Россия Федерацияси санитария-эпидемиология хизмати (Роспотребнадзор) 21 ёшга тўлмаганларга алкоголь ичимликларини сотишни тақиқлаш ташаббусини қўллаб-қувватлади. Бу ҳақда федерал хизмат хабар қилди.
“Инсон саломатлиги ва истеъмолчилар ҳуқуқларини ҳимоя қилиш бўйича назорат федерал хизмати 21 ёшдан кичик шахсларга алкоголь маҳсулотларини сотишни чеклашга қаратилган қонун лойиҳасини қўллаб-қувватлайди”, - дейилади хабарда.
Муассаса асосий эътиборни ўсмирлар ва туғруқ ёшидаги аёлларга пиво маҳсулотини сотишни чеклашга қаратган.
«33 фоиз ўсмирлар ва 20 фоиз аёллар ҳар куни ёки кунора алкоголь ичимликлари (жумладан, пиво) истеъмол қилади», — дейилади муассаса хабарида.