Россия томонидан жавоб санкцияларининг жорий қилиниши натижасида Украина авиаторлари кўрадиган зарар миқдори йилига 42 млн долларни ташкил қилиши мумкин. Бу рақам “Украина халқаро авиайўналишлари” компанияси мутахассислари томонидан ошкор қилинди.

РБК-Украинанинг компания матбуот хизматига таяниб маълум қилишича, Киевдан Москва, Санкт-Петербург ва Калининградга тўғридан-тўғри рейсларни амалга ошириш ман қилинган тақдирда компания зарари 19.6 млн долларни ташкил қилади.

Бундан ташқари, санкциялар жорий қилинган тақдирда компания бекор қилинган рейслардан 5.8 млн доллар йиллик даромадидан маҳрум бўлади. Самолётларнинг учмай туришидан кўриладиган зарар 10.2 млн долларни ташкил қилади.