Истеъфога кетган Volkswagen автоконцерни раҳбари Мартин Винтеркорннинг ўрнини Porsche раҳбари Маттиас Мюллер ёки ҳозирда Volkswagen’нинг енгил автомобиллар бўлимига раҳбарлик қилувчи, BMW’нинг собиқ топ-менежери Герберт Дисс келиши мумкин, деб хабар бермоқда Bloomberg ахборот агентлиги.

Агентликнинг маълумотларига кўра, Мюллернинг номзодини Volkswagen’нинг 51 фоиз акциясига эгалик қилувчи Порше оиласи қўллаб-қувватламоқда.

Винтеркорн компаниянинг дизель автомобиллари билан боғлиқ можаро туфайли истеъфога кетишга қарор қилган эди.