БМТга аъзо давлатлар кейинги 15 йилга мўлжалланган глобал ривожланиш соҳасидаги режани тасдиқладилар. Улар бу режада очлик ва ночорликни батамом тугатишга ваъда бермоқдалар, деб хабар бермоқда Reuters ахборот агентлиги.

Бундан ташқари, давлатлар ҳаммабоп таълим ва ижтимоий тенгҳуқуқликни таъминлашни режалаштиришмоқда.

Ҳаммаси бўлиб режада барқарор ривожланишнинг 17 та мақсади белгилаб қўйилган. Режа 150 дан ортиқ давлат ва ҳукуматлар иштирокидаги саммитда бир овоздан қабул қилинди.