Мадина шаҳрида жойлашган Масжиди Набавияда Ҳайит намозини адо этишда 1 млн киши иштирок этди. Бу ҳақда масжид вакиллари маҳаллий матбуотга ахборот берди.
Намозга шайх Абдулборий ат-Тубайтий имомлик қилди.
Масжид ишлари бўйича идора матбуот котиби Абдулвоҳид бин Али ал-Хаттобнинг таъкидлашича, намозхонларга барча қулайликларни яратиш мақсадида масжиднинг 6 минг ишчиси тинмай меҳнат қилган. Булар орасида 5 минг машинага мўлжалланган автотураргоҳ қаровчилари, вентиляция тизими ишини таъминловчилар, таҳоратхоналар хизматчилар ва бошқалар борлиги айтилди.