АҚШ президенти Барак Обама Россия президенти Владимир Путин билан учрашуви чоғида Украина ва Суриядаги вазиятларни муҳокама қилмоқчи. Бу ҳақда Обама маъмуриятидаги юқори лавозимли амалдор шахсга иқтибос келтирган ҳолда Reuters ахборот агентлиги маълум қилди.

“Бизнинг Москва билан келишмовчиликларимизга қарамай, Украина ва Суриядаги вазиятни ҳисобга олиб, руслар билан олий даражадаги музокараларда бу масалаларда прогрессга эришиш учун бу имкониятдан фойдаланмаслик масъулиятсизлик бўларди”, деб айтди амалдор.  

Манбанинг маълумотларига кўра, суҳбатнинг асосий мавзуси Минск келишувларининг бажарилиши бўлади.