Остона шаҳри халқаро аэропортининг йўловчи терминалини кенгайтириш режалаштирилмоқда. Бу ҳақда мамлакат инвестиция ва ривожланиш вазирлиги фуқаролик авиацияси қўмитаси томонидан ўтказилган матбуот анжуманида айтилди.

Таъмир ва модернизация ишларидан сўнг терминал соатига 1 750 йўловчини ўтказиш қобилиятига эга бўлади. Айни пайтда бу кўрсаткич 750 кишига тенг. Шу тариқа, аэропорт йилига 7 млн кишини қабул қила олади.

Бундан ташқари, 2020 йилга қадар Семей, Қустанай ва Усть-Каменогорск шаҳарларидаги аэропортларда таъмирлаш ишлари ўтказилади. Айни пайтда мамлакат бўйлаб 13 аэропортда бундай ишлар ўтказилган.