Хитойда "Чанчжэн-11" (“Буюк сафар-11”) ракета ташувчисининг парвози муваффақиятли амалга оширилди. Хитой марказий телевидениесининг хабар қилишича, парвоз мамлакат шимоли-ғарбидаги Ганьсу провинциясида жойлашган Цзюцюань космодромида бўлиб ўтди.

Қайд этилишича, ракета ўзи билан коинотга тўртта микройўлдошни олиб чиқди.
"Чанчжэн-11" – қаттиқ ёнилғида ишлайдиган Хитой ракетаси ҳисобланади. Аввалроқ эса муҳандислар ракетага Хитойда ишлаб чиқарилган кучли қаттиқ ёнилғи ўрнатилганини маълум қилишган эди.