АҚШ президентлигига республикачилар партиясидан номзод бўлган Дональд Трамп саккизинчи марта бува бўлади.

Маълум бўлишича, унинг қизи Иванка Трамп учинчи фарзандини кутмоқда. Бу ҳақда 69 ёшли миллиардер ўз твиттерида ёзган.

"Қизим Иванка яна бир фарзандини кутаётганини билиб, жуда хурсанд бўлдим", деб ёзади Трамп.

Трамплар оиласининг яна бир вакили 2016 йилнинг баҳорида дунёга келиши айтилган. Иванка ва унинг турмуш ўртоғи Жаред Кушнер оиласида 2 фарзанд улғаймоқда.

Қайд этиш мумкинки, АҚШ президентлигига асосий номзодлардан яна бири Ҳиллари Клинтон ўтган йилнинг кузида биринчи марта буви бўлганди.