Хизмат вазифасини суиистеъмол қиладиган, ноқонуний ишларга йўл қўядиган одамларнинг бу ишлари охир-оқибат фарзандларига келиб уради ҳамда уларга аллақандай моддий зарар бўлиб етади, деб ҳисоблайди “Оила даврасида” газетасида эълон қилинган мақола муаллифи Тўхтахон Тўйчиева.

“Дарҳақиқат, “ойлик маошимдан ташқари тушум, чой пулим чиқиб турибди”, дея ўз хизмат вазифасини суиистеъмол, одамларни овора-ю сарсон қилиб, тама билан қўлларига қарайдиган ва ҳатто очиқчасига “хизмат ҳақи”, “шапка”сини сўраб олишни канда қилмайдиган кишиларнинг баъзан “Нега ўғлим бундай бемеҳр, бадхулқ? Қизим нега бунчалар бадфеъл ва дардаман бўлиб қолди?”, деган ёзғиришини эшитиб қоламиз, - деб таъкидлайди у. – Аммо улар бунинг сабабини чуқурроқ ўйлаб кўришмайди. Айбни ўзидан қидиришмайди. Бир кун пешонаси деворга урилганда эса жуда кеч, умр ўтган, бировнинг ҳақи, харомнинг касофати ўз ҳукмини ўтказа бошлайди”.

Муаллиф сўзларини далиллаш мақсадида эски манбалардан ибратли ҳикоят келтириб ўтади.

“Топганимиз хайру баракали, умримиз файзли, фарзандларимиз эса меҳр-оқибатли бўлиши учун бугун пулни қаердан топиб, нимага ишлатаётганимизга, болаларимизга нима едираётганимизга бир назар ташлаш вақти келмадимикан?”, - хулоса қилади у.