Ҳозирда АҚШнинг “Лос-Анжелес Гэлакси” футбол клубида тўп сураётган Стивен Жеррард “Ливерпул”да ўйнаган пайтида Лондоннинг “Челси” клуби бош мураббийи Жозе Моуринью билан яхши муносабатларда бўлганини айтди.

“Моуринью уч марта унинг раҳбарлиги остида учта турли клубда ўйнашимни истаган. “Реал” менга анчагина пул беришга тайёр эди, бироқ мен “Ливерпул”ни тарк этишни истамаганман.

Мен Моуриньюнинг мураббийлик фаолиятига қойил қоламан, у ўйлайманки, менинг футболчилик фаолиятимга тан беради. У, шак-шубҳасиз, дунёдаги энг зўр мураббийлардан бири.

Мен ҳеч қачон унинг мураббийлиги остида бевосита машғулот ўтказмаган бўлсам ҳам муносабатларимиз яхши. Мен қандайдир даражада унинг мухлиси ҳисобланаман”, деб ўз фикрлари билан бўлишди Жеррард.