Америкалик ҳарбийларнинг тасдиқлашига кўра, АҚШда суриялик мухолиф кучлар учун тайёрланган ҳарбий транспорт воситалари ва ўқ-дориларнинг бир қисми "Ал-Қоида" тасарруфига ўтиб кетган

Аниқлик киритилишича, Сурия мухолиф кучлари сафида АҚШ қурол-яроғлари асосида тайёргарлик ўтаётган жангарилар бу қуролларни Сурия ҳудудидаги “Ал-Қоида”нинг бўлинмаси ҳисобланувчи “Жибҳод ан-Нусра” гуруҳига бериб юборган.

Бундан олдинроқ, Пентагонда бу қуроллар дезертирлар орқали жангарилар қўлига тушиб қолгани ҳақидаги хабарлар рад этилганди.

Бугун эса америкалик ҳарбий амалдор жангарилар 6та юк машинаси ва қурол-яроғлар, яъни мухолифат кучлари учун ажратилган ресурсларнинг 25 фоизига эга бўлгани ҳақида маълум қилган.

Марказий қўмондонлик вакили Патрик Райдер АҚШ ҳарбий раҳбарияти ушбу вазиятга жавобан чора кўришини билдирган.

2014 йилда АҚШ Сурия мухолифат кучларини тайёрлаш учун ярим миллиард доллар ажратган эди.