28 сентябрга ўтар кечаси табиатда кам кузатиладиган ҳодиса – “қизил” Ойни, яъни ойнинг тўлиқ тутилишини кўриш мумкин бўлади. Ой бу лаҳзада Ерга максимал даражада яқин жойлашади, яъни перигейида бўлади. Сайёрамиз сояси Ойга туша туриб, унинг кўринадиган сиртини тўсади ва бу Ойга “қизил” тус беради.

Москва планетарийсида маълум қилинишича, “қизил Ойни” Россиянинг ғарбий ва марказий туманлари ва МДҲ давлатлари аҳолиси кўришлари мумкин бўлади.

“Москваликлар Ой тутилишини деярли тўлиқ ҳолда кўришлари мумкин бўлади”, дейилмоқда планетарий сайтида.

Бироқ бунинг учун тонготар пайтида уйғониш керак бўлади.

NASA’нинг маълум қилишича, бу табиий ҳодиса бир неча ўн йилларда бир марта содир бўлади. Охирги марта одамлар бундай ҳодисани 1982 йилда кузатгандилар. Кейинги бундай ҳолат 2033 йилда содир бўлади.

Ушбу ҳодиса Ой Ер соясига кирганда содир бўлади. Ер билан Ой орбиталари текисликлари ўртасидаги бурчак 5 градусни ташкил қилгани учун, “қизил Ой” эффекти ҳосил бўлиши учун Ой ўз орбитаси ва Ер орбитаси текисликлари туташган жойда бўлиши керак бўлади.
NASA бу ҳодиса қандай юз беришини кўрсатувчи видеони чоп этди.