Facebook ижтимоий тармоғи асосчиси Марк Цукерберг БМТ бош офисида қилган чиқишида ташкилотнинг муҳожирларга кўмак бериш дастурида иштирок этишини маълум қилди. Бу ҳақда The New York Times нашрида ёзилган.

Унинг сўзларига кўра, бутун дунёни қамраган тармоқ орқали муҳожирлар тезкор равишда ўз оилалари билан алоқада бўлиши мумкин.

Цукербург ўзининг бу ҳаракати альтруизм (эгоизмнинг акси, бошқалар учун фидоийлик қилиш - Кун.уз изоҳи) сифатида баҳоланмаслиги кераклигини, муҳожирларнинг лагерларида интернетга уланиш шароитлари яратилиши ижтимоий тармоқ учун ҳам фойдали бўлишини таъкидлаб ўтган.

Бироз олдин, Цукербург ўз нутқида интернетга киришнинг кенгайтирилиши 160 млн кишини ночорлик ҳолатидан чиқариши ҳақида айтгани ҳақида хабар берилганди.