"Боруcсия Д" клубининг собиқ бош мураббийи Юрген Клопп Англиянинг "Ливерпуль" жамоаси бошқарувини ўз қўлига олишга қарши эмас. Бу ҳақда Daily Mail нашри хабар тарқатди.

Германиялик мутахассисга яқин бўлган манбаларнинг маълумотига кўра, Клопп таътилини якунлаб, мураббийлик фаолиятига қайтишга розилигини билдирган.

Бироқ, бунинг учун "Ливерпуль" раҳбарияти мутахассиснинг бир қатор шартларини бажариши лозим. Клопп жамоанинг трансфер ишларини тўлиқлигича ўз қўлига олишни истаяпти. Бундан ташқари, клуб раҳбари уни тўлиқ қўллаб-қувватлашини талаб қилмоқда.

Нашрда қайд этилишича, "мерсисайдликлар"нинг амалдаги бош мураббийи Брендан Рожерс трансферлар бўйича ўзи истаганидек ҳаракат қила олмайди. Раҳбарият унинг розилигисиз Балотеллини трансфер қилган, у истаган ҳимоячи Эшли Уильямсни эса олиб бермаган.

Бундан олдинроқ, Клоппнинг Англияда ишлаши мумкинлиги ҳақида хабарлар тарқалганди.