Франция президенти Франсуа Олланд 6та француз самолёти томонидан амалга оширилган ҳаво ҳужумлари натижасида Сурия ҳудудидаги ИШИД жангариларнинг машулот базалари йўқ қилингани ҳақида маълум қилди.

"Франция самолётлари Сурияда мамлакатимиз хавфсизлигига таҳдид солиб турган жангариларнинг машғулот базаларига зарба берди ва уларни йўқ қилди", деди Олланд.

Унинг қўшимча қилишича, келгусида ҳам Франция жангарилар позицияларига зарбалар беришда давом этади.

Аниқлик киритилишича, Франция томонидан берилган ҳаво зарбалари Сурия шарқидаги Дейр-эз-Зор вилояти ҳудудида амалга оширилган.

Бироз олдинроқ, Франция илк марта Сурияда ИШИДга қарши амалиётларга киришгани хабар қилинганди.