Меркель: Германия БМТ Хавфсизлик кенгашининг доимий аъзоси бўлишни истайди

Жаҳон 27 Сентябрь 2015 3261

Германия канцлери Ангела Меркель 26 сентябрь куни БМТ Хавфсизлик Кенгаши таркибини ислоҳ қилиш таклифи билан чиқди.

Унинг фикрига кўра, кенгаш таркибини ўзгартириш орқали унинг таъсирчанлигига эришиш мумкин бўлади.
"Бизга янги ишлаш услублари ва муаммоларни ҳал қилишда янгича ёндашувлар керак", деди Меркель хоним БМТнинг 70-сессияси доирасида Бразилия, Ҳиндистон ва Япония давлатлари вакиллари билан учрашув чоғида.

"Айни вақтда Хавфсизлик кенгашининг ҳозирги фаолиятидан норозилигини билдирган томонлар тўрттани ташкил қилади. Лекин Германия, Бразилия, Ҳиндистон ва Япониядан ташқари бошқа мамлкаталар ҳам кенгашнинг ишидан рози эмас. Биз БМТнинг Хавфсизлик Кенгаши 21 асрга мос бўлиши керак, деб биламиз", деб қўшимча қилди у.

Маълумот учун, БМТ Хавфсизлик Кенгашига 15 аъзо киради, шундан 5та давлат вакиллари доимий аъзолар ҳисобланишади (АҚШ, Россия, Хитой, Буюк Британия ва Франция). Доимий аъзоларнинг ҳар бири вето ҳуқуқи ва Хавфсизлик кенгашининг исталган қарорини бекор қилиш имконига эга ҳисобланади.

Германия ва Япония БМТ ХК таркибида АҚШдан кейинги 2 ва 3-ўринда турувчи донорлар ҳисобланишади. Улар ўзларини ХКнинг доимий аъзоси бўлиш учун муносиблар сифатида доимий равишда ўзларининг шу истакларини билдириб келишмоқда. 2004 йилда бу икки давлатга Ҳиндистон ва Бразилия ҳам қўшилган ва кенгаш ичида "Тўртлар гуруҳи" (G4) пайдо бўлганди.

2014 йилда махсус гуруҳ тузилган ва бу гуруҳ БМТнинг ХК таркиби бўйича сўровнома ва тадқиқотлар ўтказиб, изланишлар олиб бормоқда. Охирги марта БМТ ХК таркибида 1963 йилда ўзгариш бўлган, ўша йили аъзолар сони 11тадан 15тага оширилганди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28674 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15372 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56486 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 2229 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1728 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 6422 Жамият
Германияда Трамп боши шаклидаги гиёҳванд моддали таблеткалар аниқланди
00:21 1741 Жаҳон
Сербия Ҳиндистон ва Эрон фуқаролари учун визани бекор қилди
00:18 1341 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1987 Жаҳон
Кўпроқ янгиликлар