Шайхонтоҳурлик фирибгар аёл танишидан “қариндошимни Ҳиндистонда даволатаман” деган баҳонада 16.5 млн сўм олиб, қайтариб бермади. Жабрланувчининг мурожаатига кўра у қўлга олиниб, судга тортилди. Воқеа тафсилотлари “Огоҳ” нашрида ёритилди.

Айтилишича, 1984 йили туғилган Дилмира Узоқова ўзидан 12 ёш кичкина бўлган Халил Бакиров билан танишиб, унинг ишончига кирган. У йигитчадан қариндошини даволатиш учун Ҳиндистонга жўнатаётганини айтиб, қарзга пул сўраган. Дилмира ўлжасидан 16.5 млн сўм олиб, шундан сўнг у билан алоқани узишга ҳаракат қилган. Лекин Бакиров, алданганини тушунгач, тегишли ташкилотларга мурожаат қилган.