Японияда асосий истеъмол нархлари индекси 2 йил аввал Марказий банкнинг кенг кўламли рағбатлантириш дастури жорий қилинганидан бери илк марта пасайди. Шу сабабли инфляция мўлжалдаги 2 фоизлик даражада сақланиб қолинадими, йўқми деган хавотир пайдо бўлди.

Расмий хабарларга кўра, ўз ичига нефть баҳосини ҳам олувчи, лекин озиқ-овқат маҳсулотларининг ўзгарувчан нарх-навосини инкор қилувчи асосий истеъмол нархлари индекси август ойида ўтган йилдагига нисбатан 0,1 фоизга пасайган.

Энергия ва озиқ-овқатнинг ўзгарувчан нархларини ҳисобга олмаганда, истеъмол инфляцияси август ойида июлдаги 0,6 фоиздан 0,8 фоизга тезлашган. Умумий ҳисобда 339 турдаги маҳсулотнинг баҳоси кўтарилган. Бир пайтнинг ўзида 131 номдаги маҳсулотлар нархи пасайган. Сабаби истеъмолчилар гуруч пиширгич, меҳмонхона ҳақи ва ҳатто шоколад каби маҳсулотлар учун кўпроқ пул тўлашган.

Айрим таҳлилчилар ушбу тенденция жорий чоракда кучайиши мумкинлигидан огоҳлантиришмоқда. Бунга Хитой иқтисодиётининг секинлашгани билан боғиқ хавотирлар сабабдир. Шунингдек, таҳлилчилар “Япония банки хавф остида ва зудлик билан чора кўриш зарур” деб ҳисоблашмоқда.