Исломнинг беш асосий фарзидан бири ҳисобланган ҳаж ибодатини адо этиш вақтида икки нафар Тожикистон фуқароси ҳаётдан кўз юмган. Бу ҳақда ТожикистонДин ишлари бўйича қўмитаси хабар қилди.

Маълум қилинишича, ҳаж мавсуми вақтида юрак етишмовчилиги хасталиги билан оғриган Турсунзода ва душанбелик 66 ва 51 ёшли аёллар вафот этишган.

Шу муносабат билан Тожикистон Дин ишлари бўйича қўмитаси ва “Ҳаж-2015” штаби вафот этганларнинг яқинларига ўз ҳамдардлигини билдирди.

Эслатиб ўтамиз, 2014 йилги ҳисобларга кўра, Тожикистон аҳолиси 8,5 миллион нафарга яқинлашиб қолган бўлиб, ҳар йили ҳаж ибодатини 6 минг нафардан зиёд фуқаролари адо этиб келади.