27 сентябрь оқшомида Италия А сериясининг 6-тур учрашувлари давом эттирилди. Ушбу турнинг марказий учрашуви сифатида баҳоланган "Интер" ва "Фиорентина" жамоалари баҳсида меҳмонлар 4:1 ҳисобида ғалаба қилиб кетишди.

Ўйинда "Фиорентина" таркибида Калинич учта гол уриб, хет-трик қайд этди. Иличич эса ўз ҳисобига битта гол ёздириб қўйди. Мезмонлар таркибидаги Икарди битта голи билан жавоб қайтарди. Бу мағлубият туфайли Роберто Манчини шогирдлари турнир жадвалидаги пешқадамликни "Фиорентина"га бой берди.

Қолаверса, мазкур мағлубият "Интер" учун бу мавсумдаги дастлабкиси бўлди. Миланликлар бундан олдинги 5та ўйинда кетма-кет ғалабалар қайд этган, «Аталанта» (1:0), «Карпи» (2:1), «Милан» (1:0), «Кьево» (1:0) ҳамда «Верона» (1:0) мағлубиятга учратилиб, Ханданович 5та ўйинда атиги битта гол ўтказиб юборганди.
Кейинги турда "нераззурилар" сафарда "Сампдория"га қарши ўйнайди.
Интер – Фиорентина 1:4 (0:3, 1:1)
Голлар: 0:1 – 4, пенальти Иличич, 0:2 – 18 Калинич, 0:3 – 23 Калинич, 1:3 – 60 Икарди, 1:4 – 76 Калинич.
Интер – Ханданович, Сантон, Миранда, Медель, Перишич (Биабиани, 61), Гуарин (Брозович, 77), Мело, Кондогбиа (Раноккия, 46), Икарди, Теллес, Паласио.
Фиорентина – Тэтэрушану, Ронкалья (Жилберто Жуниор, 75), Родригес, Астори, Алонсо, Бадель (Фернандес, 82), Весино, Блашчиковски (Томович, 69), Иличич, Валеро, Калинич.
Огоҳлантиришлар: Ханданович (3), Кондогбиа (40), Гуарин (43), Калинич (69), Медель (81), Алонсо (90).
Четлатиш: Миранда (31).