Агар Украинадаги низолар тўхтатилмаса, “унда бутун дунё танг аҳволга тушади”, деб айтди Беларусь президенти Александр Лукашенко.

“Украина инқирози.. агар Европада қон тўкилишини, қон-қардошлар ўртасидаги хунрезликни тўхтатмасак, бу можаронинг авж олишига йўл берсак, унда бутун дунёга қийин бўлади”, деб айтди Лукашенко БМТнинг глобал ривожланиш саммитидаги нутқи давомида.

Лукашенко Украинадаги вазият ҳал қилинмаса, унда “одамзод глобал можарога, эҳтимол маданий ва илғор дунё марказида янги жаҳон урушига бир қадам қўйиши мумкин”, деб таъкидлаб ўтди.