АҚШ президенти Барак Обама 28 сентябрь куни БМТ Бош Ассамблеясидаги нутқида ИШИДга қарши ҳамжиҳатликда кураш олиб боришни кучайтириш, шунингдек, Сурия инқирозига сиёсий ечим топишга чақиради. Бу ҳақда журналистларга 27 сентябрь куни Оқ уй вакили маълум қилди.

“У барча мамлакатлар Сурияда ҳокимиятни бошқа сиёсий кучларга топшириш имкониятларни қидираётган ва буни қўллаб-қувватлашга берилган шароитда ИШИДга қарши бизнинг ҳарбий қаршилигимизни кучайтириш зарурияти тўғрисида нутқ сўзлайди”, - деди Оқ уй вакили.

Шунингдек, Америка маъмурияти раҳбари “Эрон ядро дастури тўғрисидаги шартнома халқаро ҳамкорлик билан нималарга эришиш мумкинлигига бир мисол эканини намойиш этади”.

АҚШ президенти БМТда, шунингдек, “хавфсизлик шунчаки тараққиёт эмас, балки соғлиқни сақлаш, савдо-сотиқ, иқлим ўзгаришлари оқибатларига қарши курашишга боғлиқ экани, шу йўл билан дунёдаги беқарорликка олиб келувчи сабабларни қисқартириш мумкинлигини айтиб ўтади. “У мамлакатлар фақатгина ўзининг барча фуқароларини ҳурмат қилган тақдирдагина узоқ муддатли истиқболда муваффақиятга эриши мумкинлигини аниқ таъкидлаб ўтади”, - дея қўшимча қилди Оқ уй вакили.

АҚШ маъмурияти вакилининг сўзларига кўра, АҚШ президенти сессия иштирокчиларини давлат жамият билан ҳамжиҳатликда иш олиб боргандагина ғолибликка эришиши, бироқ “зўравонлик йўли”ни танласа, “кучсизланиб, якунда барбод бўлиши”га эътибор қаритишга чақиради.

Обаманинг Бош Ассамблеядаги нутқи 28 сентябрь куни соат 10:00да (Тошкент вақти билан 18:00)да бўлиб ўтиши режалаштирилган.