Россия президенти Владимир Путин “КГБнинг собиқ ходимлари бўлмайди” деган фикрга қўшилди. Чарли Роузнинг у билан CBS ва PBS телеканаллари учун ўтказган интервьюсининг стенограммаси Кремль матбуот хизмати томонидан эълон қилинди.

“Биласизми, ҳаётингизнинг бирорта босқичи сиз учун изсиз ўтмайди. Нима билан шуғулланишингиздан қатъий назар, бу билимлар, бу тажриба, улар ҳар доим биз билан бўлади, биз уларни ҳар доим қўллаб борамиз. Бу жиҳатдан, шубҳасиз, бундай фикр тўғридир”, - таъкидлади Россия раҳбари.

Россия президенти республикачи сиёсатчи Марко Рубио уни “гангстер” деб атаганига ўз фикрини билдириб ўтди. “КГБда ишлаган эканман, қанақасига гангстер бўлишим мумкин? Бу ҳақиқатги тўғри келмайди”, - деди у.