Россия ҳарбийларининг ўз давлат ҳудудида, Украина чегарасига яқин зонада жойлашуви жиноят ҳисобланмайди. Бу ҳақда Россия президенти Владимир Путин америкалик журналист Чарли Роузга берган интервьюсида айтиб ўтди.

Чарли Роузнинг у билан CBS ва PBS телеканаллари учун ўтказган интервьюсининг стенограммаси Кремль матбуот хизмати томонидан эълон қилинди.
“Агар биз ўз ҳарбийларимизни ўз ҳудудимизда, бошқа бирор давлат чегараси яқинида ушлаб турсак, буни ҳам жиноят деб ҳисоблайсизми?”, - деб журналистнинг саволига савол билан жавоб берди Путин.
Шунингдек, у Европада АҚШ ҳарбий қисмларининг мавжудлигини эслатиб ўтди.