Рим метрополитенининг бекатларидан бирида шифтнинг қулаши туфайли поездлар ҳаракати тўхтатилди. Бу ҳақда ANSA агентлиги хабар бермоқда.

Воқеа “Спанья” бекатида содир бўлди. Воқеа пайти бекатда турган поезд йўловчилари эвакуация қилинди. Ҳеч ким зарар етмагани айтилмоқда. “Оттавиано” бекатидан “Сан-Жованни” бекатигача бўлган қисмда ҳаракат тўхтатилган.
Метро ичидан эвакуация қилинаётган йўловчиларга бепул автобуслар тақдим этилган.