Россия ташқи ишлар вазири Сергей Лавров АҚШ “ИШИД” террорчилик гуруҳига қарши коалициянинг ҳаракатлари учун БМТ Хавфсизлик кенгаши рухсати шарт эмас, деб ҳисоблашини, бироқ Россия буни халқаро ҳуқуқнинг бузилиши, деб билишини айтди. Бу ҳақда РИА “Новости” ахборот агентлиги маълум қилди.

Лавров бу ҳақда АҚШ Давлат котиби Жон Керри билан БМТ Бош ассамблеясида учрашгандан кейин айтди.

“Бизнинг фикримизча, бу ҳаракатлар БМТнинг низоми, тегишли давлатларнинг розилиги ҳамда Хавфсизлик кенгаши қўллаб-қувватлови асосида қурилиши керак”, деб айтди Лавров.

Лавров “АҚШ коалиция БМТ Хавфсизлик кенгаши томонидан бундай рухсатга эҳтиёж сезмайди, деб ҳисоблайди ва бу ҳолат халқаро ҳуқуқнинг бузилиши”, дея таъкидлаб ўтди.