Эрон пойтахти Теҳрон шаҳрида намойишга чиққан юзлаб норози оломон Макка яқинидаги Мино водийсида рўй берган фожиа муносабати билан Саудия Арабистони элчихонасига помидорлар улоқтиришди. Бу ҳақда Telegraph маълум қилди.

Бундан аввалроқ 24 сентябрь куни Макка шаҳрида юз берган фожиа оқибатида 169 нафар эронлик вафот этгани хабар қилинган эди.

Эслатиб ўтамиз, фожиа 24 сентябрь куни эрта тонгда Макка яқинидаги Мино водийсида содир бўлди. Иккита улкан одамлар оқими чодирлар шаҳарчасидан шайтонга тош отиш амали бажариладиган ҳудудга элтадиган йўлдаги чорраҳада тўқнаш келиб қолган. Кўчалар кесишмасида улкан тиқилинч вужудга келиб, натижада 769 киши ҳалок бўлди, 934 зиёратчи жароҳатланди.