АҚШ Мудофаа вазирлигининг истиқболли мудофаа лойиҳалари агентлиги DARPA чипларни татбиқ қилиш бўйича дастурни ишлаб чиқиқмоқда.

Мутахассисларнинг айтишича, Пентагоннинг супераскар яратиш бўйича тажрибалари фаол равишда олиб борилмоқда. Олимлар универсал бошқарилувчи аскар-роботни олишга имкон берувчи технологияни яратишга ҳаракат қилишмоқда.

Бироқ Fusion портали маълумотларига кўра, DARPA’да супераскар эмас, балки ҳарбийларни ҳимоя қилиш тизимини яратиш устида иш олиб борилаётгани айтилмоқда. Пентагон маълумотларига кўра, АҚШнинг Ироқда ва Афғонистонда хизмат қилган 2,5 млн аскаридан қарийб 300 минги турли мия жароҳатлари билан ўз уйига қайтган. Пентагоннинг таъкидлашича, Neuroprosthetics деб ном олган имплантантлар “қайноқ” нуқталарда бўлган ҳарбийларга ёрдам беришга қодир.

АҚШ матбуоти маълумотларига кўра, гап ҳарбийларнинг мияларига чиплар киритиш ҳақида кетаётган бўлиши мумкин. Журналистларнинг таъкидлашича, Пентагоннинг илмий бўлими бундай тажрибаларни охирги ўн йиллар ичида олиб бормоқда, бироқ аскарларни киборгларга айлантириш молиялаштиришнинг оширилиши ва технологик тараққиёт эвазига эндигина рўёга айланмоқда.

Хусусан, DARPA “аскарларнинг жанг майдонидаги ишлаш қобилиятини ошириш” ва “бош мия жароҳатларидан кейинги қайта тикланиш” бўйича бир қатор лойиҳаларни молиялаштирган.

Пентагон махфий маълумотлар ошкор бўлганда доимо уларнинг ишланмалари ҳарбийларда жароҳатдан кейинги стресс ҳолатларини даволаш мақсадида ўтказилаётганини айтган. АҚШлик журналистларнинг таъкидлашича, агентликнинг асосий вазифаси янги қурол-аслаҳа турларини яратишдан иборатлигини унутмаслик керак.