АҚШ Сурияда Россия ҳарбий кучларининг кўпайтирилиши деструктив салоҳиятга эга эмас деб ҳисоблайди. Бу ҳақда АҚШ маъмурияти вакили Барак Обама ва Владимир Путинларнинг икки томонлама учрашуви якунларига кўра баёнот берди.
“АҚШ Россия ҳарбий салоҳиятининг бу ҳудудда ўстирилиши аниқ вайронкор оқибатларга олиб келади деб ҳисобламайди. Маъмуриятнинг ёндашуви Россиянинг келажакдаги ҳаракатларига ҳам боғлиқдир. Агар руслар ўз армиясини фақат ИШИДга қарши курашга йўналтирса, ҳаммаси яхши бўлади”, - таъкидлади Оқ Уй вакили матбуот анжуманида.
Бошқа томондан, вакил Россия у ерда амалдаги президент Башар Асаднинг позицияларини мустаҳкамлашга ҳаракат қилишидан хавотир билдирди.