Ироқ пойтахти Бағдод шаҳри марказида рўй берган портлаш натижасида энг камида 4 киши ҳалок бўлди, дея хабар бермоқда Reuters.

Портловчи қурилма савдо туманидаги автомобиллар тўхташ жойига қолдириб кетилган машинага ўрнатилган эди.

Қайд этилишича, ҳодиса содир бўлган жой яқинида пойтахтдаги энг гавжум ва баланд иншоотларидан бири – Ishtar Sheraton меҳмонхонаси жойлашган.

Ҳозирча минтақадаги бирорта ҳам террористик гуруҳ қўпорувчилик учун жавобгарликни ўз зиммасига олмаган.