БМТ Бош Ассамблеясининг 70-саммитидаги чиқишида Россия президенти Владимир Путин замонавий дунё олдида турган асосий масалаларни тезисли тарзда ифодалаб берди.
1. Россия етакчиси НАТОнинг Шарққа томон кенгайиб бораётганини таъкидлади, шунингдек, Ғарб давлатлари собиқ Иттифоқ давлатлари олдига танлаш шартини қўйиб, уларни ўз-ўзини англаш ҳуқуқидан маҳрум қилаётганини таъкидлади. Бунга мисол тариқасида у Украинани келтирди.
“Таҳдид ва қурол кучи билан Украинада тинчликни ўрнатиб бўлмайди. Буни эса бажариш шарт. Донбассда инсонлар манфаатини ҳисобга олиш, уларнинг танловига ҳурмат билан қараш, Минск келишувларига биноан улар билан давлат тизими борасида ҳисоблашиш зарур”, - таъкидлади Путин.
2. Владимир Путин ИШИДга қарши курашда кучларни бирлаштириш зарурлигини янабир бор таъкидлаб ўтди.
“Биз амбицияларга эмас, умумий қадриятлар ва умумий манфаатларга таянишни таклиф қиламиз. Халқаро ҳуқуқ асосида олдимизда турган масалаларни ҳал қилиш ҳамда халқаро аксилтеррор коалициясини тузишни муҳим деб ҳисоблаймиз”, - деди у.
3. Халқаро савдода мувозанатни сақлаб қолиш учун Халқаро савдо ташкилоти принципларига қатъий таяниш Путиннинг навбатдаги талабларидан бири бўлди.
“Бугун БМТ уставини бир томонлама четлаш деярл меъёрга айланиб улгурди. Улар нафақат сиёсий мақсадларга хизмат қилади, балки рақобатчиларни бозордан сиқиб чиқаришга ҳам сабаб бўлади. Халқаро иқтисодий худбинликнинг яна бир симптомини қайд қиламан. Бир қатор давлатлар ёпиқ, эксклюзив иқтисодий ташкилотлар тузиш йўлидан бормоқда, бу борадаги музокаралар ўз фуқароларидан яширин ҳолда, ўз ишбилармон доиралари ва жамоатчилигидан, бошқа давлатлардан яширин ҳолда олиб борилмоқда”, - қайд қилди Россия етакчиси.
4. Путин ИШИД “йўқ жойдан” пайдо бўлмаганини таъкидлади. У террорчилар билан “ўйин ўйнаш” яхшиликка олиб келмаслигидан огоҳлантирди:
“Террорчилар билан ўйин ўйнаш, уларни қуроллантириш нафақат узоқни кўзлаб қилинмаган иш ҳисобланади, балки у улкан халқаро ёнғин келтириб чиқариши мумкин. Бунинг оқибатида глобал террорчилик таҳдиди ўсиб, янги минтақаларни қамраб олиши мумкин, жумладан, ИШИД базаларида турли давлатлар фуқаролари тайёргарлик ўтамоқда”.
5. Путин, шунингдек, БМТнинг бошқа давлатлар билан алоқалар ҳақида гапирди.
“Албатта, дунё ўзгармоқда, БМТ бу табиий трансформацияга мослашиб бориши зарур. Россия кенг муроса асосида БМТ ва барча ҳамкорлар билан бу ишни амалга оширишда иштирок этишга тайёр. БМТ обрўини туширишга бўлган уринишларни жуда хавфли деб ҳисоблаймиз. Бу бутун халқаро муносабатлар архитектураси бузилишига олиб келиши мумкин”, - деди у.