Бағдоддаги “ИШИД”га қарши курашиш ахборот марказига россиялик мутахассислар етиб келди

Жаҳон 29 Сентябрь 2015 1717

Бағдодга Россия, Ироқ, Сурия ва Эрон билан биргаликда “ИШИД” террорчилик гуруҳига қарши курашиш учун яратилган ахборот марказида ишлаш учун 6 нафар россиялик ҳарбий етиб келди. Бу ҳақда Ироқ парламенти хавфсизлик ва мудофаа қўмитаси бошлиғи Ҳаким аз-Замлийга иқтибос келтирган ҳолда РИА “Новости” ахборот агентлиги хабар бермоқда.

“Бағдодга 6 нафар россиялик мутахассис етиб келди. Улар йиғилиш ўтказдилар, йиғилишлар ҳозир ҳам давом этмоқда. Ахборот алмашинмоқда, биз бу коалицияга кирувчи давлатлар манфаатига мос келувчи натижаларга эришилишига умид билдирамиз”, деб айтди Аз-Замлий.

Шунингдек, Бағдодга 6 нафар эронлик ҳарбий ҳам келган, Суриядан ҳам 6 нафар мутахассис келиши кутилмоқда.

Аввалроқ Ироқ, Сурия, Эрон ва Россия ўртасида разведка маълумотлари билан алмашишга ихтисослашган Боғдоддаги ахборот маркази ўз ишини октябрь-ноябрь ойларидан бошлаши маълум қилинганди.

Кўпроқ янгиликлар