Сурияда Россия ҳарбий кучларининг ўстирилиши Путинга имижини ўзгартириб, халқаро доирадаги яккамоҳовдан қора кардиналга айланиш имконини берди, деб ҳисоблайди The Financial Times нашри. Таҳлилчиларнинг фикрича, ушбу “Сурия гамбити” ёрдамида Россия президенти БМТ саммитида жиддий дипломатик қадам ташлашга тайёрлигини, Хрушчёвга ўхшаб йиғилишни тўхтатиш учун бошмоқ билан стол тақиллатиб ўтирмаслигини кўрсатди.
“Унча-мунча жаҳон етакчиси БМТ Бош Ассамблеясидаги мурожаатини бундай интрига билан чирмай олмайди, - деб ёзади нашр таҳлилчиси Нил Бакли. – Унинг 10 йил ичидаги биринчи чиқиши воқеаларни кескин ва ҳайратланарли тарзда буриб юборди”.
Аввало, Россия ИШИДга қарши курашда шунчаки ёрдамчи бўлиш эмас, балки ушбу коалицияда етакчиликни ўз зиммасига олишга тайёрлигини тасдиқлади. Унинг бу мақсадларини Суриянинг Латақия вилоятидаги ҳарбий базада 25та қирувчининг жойлаштирилиши, минглаб ҳарбийларнинг ташланиши кўрсатиб турибди.
“АҚШнинг Путиннинг мақсадларига муносабати қандай бўлишидан қатъий назар, у ҳисоблашмаса бўлмайдиган инсонга айланди”, - таъкидлади эксперт.