Германияда бир аёл “ўлгандан” кейин 31 йил ўтиб тирик эканлиги маълум бўлди

Жамият 29 Сентябрь 2015 4380

Германияда йўқолганидан кейин 31 йил ўтиб тирик эканлиги маълум бўлган аёл топилди, деб хабар бермоқда The Sun нашри.

Петра Пажцитка исмли бу аёл 1984 йилда йўқолиб қолган. У ўшанда 24 ёшида акасининг туғилган кунида пайдо бўлмаган ва изсиз йўқолган.

Аёлнинг йўқолиши немис нашрларининг биринчи саҳифаларидан ўрин олган ва бутун мамлакат бўйича уни қидириш бошланган.

Пажциткани қидириш ишлари самарасиз якунлангандан кейин полиция аёлнинг қотиллигини амалга оширганини тан олган гумонланувчини топган, бироқ у бироз вақтдан кейин ўз кўрсатмасидан воз кечган.

Аёлнинг жасади топилмаган ва 1989 йилда у расман вафот этган деб тан олинган.

Бироқ 31 йил ўтиб Пажцитка Дюссельдорфда Шнейдер хоним исми билан, бироқ ҳеч қандай расмий ҳужжатсиз топилди. Аёлнинг шахси у ўзининг уйидаги ўғрилик бўйича полицияни чақиртиргандан кейин фош бўлди. Аёл ўзини сохта номи билан таништирган, бироқ кейинроқ ундан ҳужжатларини тақдим қилиш сўралганда ўзининг асл исмини айтган.

Пажцитка 30 йил давомида бир шаҳардан иккинчи шаҳарга кўчиб юраверган ва бирор марта ўзининг ҳаётлигидан яқинларини хабардор этмаган.

Полиция вакили “аёлнинг акаси ва онаси унинг ҳаётлигини эшитишгандан кейин карахт ҳолга тушиб, кўзларига ёш олганларини” айтди.

Полиция вакилининг таъкидлашича, Пажцитка “ўзининг йўқолиб қолиши сабабларини тушунтириб бермаган ва келгусида ҳам ўз оиласи ва жамият билан муносабат ўрнатишни истамаётганини очиқчасига айтган”.

Прокурорлар аёл бу қилмиши билан жиноят содир этган деб ҳисобламаяптилар, бироқ аёл ўлган деб ҳисоблангани учун немис расмий идораларини ўзининг тириклигидан расман хабардор этиши керак.

Кун янгиликлари
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 14699 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 43918 Жамият
Кун.uz офис изламоқда
15:48 / 06.08.2017 46011 Lifestyle
Тошкент ирригация ва қишлоқ хўжалигини механизациялаш муҳандислари институтида “Ҳаракатлар стратегияси хонаси” очилди
UMS марказий офисида «Artel Mobile» сотувлар офиси очилди
Янги авлодга қандай эришамиз?
АҚШ ва Жанубий Корея қўшма ҳарбий машқларни бошламоқда
09:44 353 Жаҳон
Экспертлар КХДР ракета-ядро кучлари қўмондонлиги қаерда жойлашганини аниқлашди
09:40 1059 Жаҳон
Американинг 10 дан ортиқ дипломати Кубада «акустик ҳужум»га учради
09:35 533 Жаҳон
Россия ҲКК ИШИДнинг 200 дан ортиқ жангарисини йўқ қилди
09:24 961 Жаҳон
Кўпроқ янгиликлар