Автомобиллар учун двигателлар ишлаб чиқариш билан шуғулланувчи GM Powertrain Uzbekistan (GMPT) акционерлари Женнифер Бигелоуни компаниянинг янги бош директори этиб тайинлашди.

Қарорга кўра, Женнифер Бигелоу 2015 йилнинг 1 декабридан бошлаб компания бош директори сифатида иш бошлайди.

Унинг директорлик муддати 1 йил бўлиши кўзда тутилган. Бигелоу хоним 2014 йилнинг мартидан буён шу лавозимда фаолият кўрсатган Гайст Роберт Вальтерни алмаштирган.

GM Powertrain Uzbekistan АЖнинг 52 фоиз акцияларига General Motors, 48 фоизлик қисмига эса "Узавтосаноат" АК эгалик қилади.

Корхона йилига автомобиллар учун 225 мингта двигател ишлаб чиқариш қувватига эга.