Жанубий Корея президенти Пак Кин Хе БМТ Бош ассамблеяси 70-сессиясидаги нутқида Шимолий Кореяни унга иқтисодий ривожланишда ёрдам бериш эвазига ядровий режалардан воз кечишга чақирди, деб хабар бермоқда РИА “Новости” ахборот агентлиги.

“Агар Шимолий Корея ядровий режалардан воз кечса, Корея Республикаси унинг иқтисодиётини ривожлантириш учун халқаро ҳамжамият билан фаол кўмак кўрсатади”, деб айтди Жанубий Корея етакчиси.

Пак Кин Хенинг айтишича, Шимолий Корея ислоҳотлар ва очиқ-ойдинлик йўлидан бориши керак. У Шимолий Корея “янги иғволарга” бормасдан, ўз халқини қийинчиликлардан халос этиш учун саъй-ҳаракатларни амалга ошириши кераклигини таъкидлаб ўтди.

“Агар бу қилинмаса, унда бу БМТ талаб қиладиган инсониятнинг эзгу қадриятларини барбод қилади”, деб айтди Жанубий Корея етакчиси.

Пак Кин Хе ўз нутқида Пхеньяндан Шимолий Кореяда инсон ҳуқуқлари бузилиши борасида “халқаро ҳамжамиятнинг ташвишланаётганига қулоқ солишни” талаб қилди.