Марказий Африка Республикаси (МАР) пойтахти Банги шаҳридаги қамоқхонадаги маҳбуслар у ерни тарк этишди.

"Турмада ҳозир ҳеч ким йўқ. Уларнинг барчаси қочиб кетишди", дейди маҳаллий жандермерия вакили Рейтер нашрига.

Эслатиб ўтамиз, шу кунларда Банги шаҳрида мусулмон ва христиан динларига эътиқод қилувчилар ўртасида тўқнашувлар содир бўлмоқда. Охирги маълумотларга кўра, бу тўқнашувлар туфайли камида 30 киши ҳалок бўлди.