Қозоғистон президенти Нурсултон Назарбоев БМТ Бош Ассамблеясидаги чиқишида дунёда тинчликни таъминлаш ва ядродан холи дунёни яратишни таклиф қилди.

У ўз нутқида БМТнинг Хавфсизлик Кенгаши асоссиз равишда санкциялар қўлламаслиги ҳамда ташкилотнинг бош офиси Осиёда бўлиши кераклиги ҳақида гапириб ўтган.

У Марказий Осиё ҳудуди ядродан холи ҳудуд эканини эслатган ва бошқа минтақаларни бундан ўрнак олишга чақирган.
Назарбоев БМТнинг Глобал ривожланиш кенгашини Иқтисодий ва Ижтимоий Кенгашга айлантириш таклифи билан чиққан.

"Замонамизнинг энг долзарб муаммолари терроризм, давлатларнинг бўлиниши, миграция муаммолари бўлиб қолмоқда. Шунингдек иқтисодий инқирозлар, қашшоқлик, ишсизлик ҳам инсоният учун оғриқли муаммога айланди", дейди Назарбоев.

У дунё музокарачи томонларни Минск келишувларига амал қилишга чақирган.

"Осиёдаги давлатлар иқтисодий жиҳатдан тезлик билан ривожланиб бормоқда. Эндиликда ўзаро алоқаларни кучайтириш керак. Мен БМТ бош офисини Осиёга кўчиришни таклиф қиламан", деди Қозоғистон раҳбари.

У ўзининг бу таклифини бундан олдин ҳам ташкилот маркази Женевадан Нью-Йоркка кўчирилгани, бунга Қўшма штатлардаги иқтисодий ривожланиш сабаб бўлгани билан изоҳлаган.

У Осиёда дунё аҳолисининг 1/3 қисми яшаётганига эътиборни қаратган ва бу ҳудудда улкан истиқболлар мавжудлигини таъкидлаган.