АҚШ президенти Барак Обама ҳазил тариқасида БМТ саҳнасида ибодат қилиши керакми, рақсга тушишми – билмай қолганини маълум қилди. У БМТ Бош Ассамблеяси доирасида давлат ва ҳукуматлар раҳбарлари учун ташкил этилган байрамона тушликдаги қадаҳ сўзини ушбу жумлалар билан бошлади.

Бу сўзларни БМТнинг глобал тараққиёт саммитининг очилишида дастлаб Рим папаси, сўнгра қўшиқчи Шакира чиқиш қилганига ишора қилиб айтиб ўтди.

“Фақатгина Бирлашган Миллатлар Ташкилотида Рим папаси Франциск ва қўшиқчи Шакира битта саҳнада намоён бўлиши мумкин... Мен ҳатто билмай қолдим – ибодат қилишим керакми ёки рақсга тушиш”, - деди Обама.

Қўшма Штатлар президенти оҳангига жиддий тус бериб, якунига етажак саммитда 17та мақсадни олдига қўйганини маълум қилиб ўтди. “Бу фақатгина биринчи қадам, энди ҳақиқий ишлар бошланади”, - деди америкалик етакчи.