Қозоғистоннинг Олма-Ота вилоятида 60 йилдан буён турмушда яшаб келаётган Тўйчибоевлар хонадони бриллиант тўйини ноодатий тарзда нишонлашга қарор қилди ва шу мақсадда клубга йўл олди. Қариялар тантанали тўй уюштириш фикрига қарши бўлишига қарамай, уларнинг болалари байрам тадбирини ташкил этишди, деб хабар беради КТК телеканали.
Оила бошлиғи 81, унинг рафиқаси эса 75 ёшдалар. Улар 1955 йилда турмуш қурган.
Кекса жуфтликнинг эслашича, уларда ўша йили ҳақиқий тўй бўлмаган, боз устига, чимилдиққа қадар бир-бирини танишмаган ҳам, негаки уларнинг никоҳларини ота-оналари келишган.
“Бизнинг давримизда яхши нарса кам эди. Биз доимо ишлар эдик, мол боқар эдик, болаларни ўстирар эдик. Хотиним сигир соғарди. Биз кўп нарса кўрдик, кўп нарсадан бирга ўтдик”, - деб эслайди Малик Тўйчибоев.
Ушбу тадбирни ўтказиш учун туман раҳбарияти уларга қишлоқ маданият саройини тақдим этди. Ёшлар эса, ўз навбатида, кексаларни автомобилда айлантириб, сўнг тунги клубга олиб келишди.
“Дастлаб улар бу ғояга шубҳа билан қарашди. Аммо биз уларни кўндирдик, улар ўз юбилейларини ғайриодатий тарзда нишонлашга рози бўлишди”, - деди уларнинг фарзанди Давлатхон Тўйчибоев.