Россия президенти Владимир Путин АҚШнинг ИШИДга қарши олиб бораётган кураши кам самарадорликка эга эканини айтиб, мазкур йўналишда ташналанаётган қадамлар етарли эмаслиги сабабли Россия давлатларга кучларни бирлаштиришни таклиф қилаётганини қайд этди.
“Мазкур хавфга қарши курашда жиддий қадамлар ҳақиқатдан ҳам кам. Самарали қадамларни ташлаётганлар жуда оз. Америкалик ҳамкорларимизнинг самарали ҳаракатлари тўғрисида Пентагоннинг Қўшма Штатлар Сенати олдида қилган ҳисоботидан эшитдик. Қўлга киритилган натижаларнинг етарли эмаслигини очиқчасига айтиш керак. Шу сабабли биз ҳамкорлик қилишни, кучларни бирлаштиришни таклиф қилаяпмиз”, - деди Россия президенти Владимир Путин Американинг CBS ва PBS телеканаллари учун журналист Чарли Роузга берган интервьюсида.
Путин Россия АҚШ билан терроризмга қарши кураш масаласида ҳамкорликни давом эттиришни, бироқ бугунги вазият ўзаро янаям яқинроқ иш олиб боришни тақозо этаётганини таъкидлаб ўтди.
“Биз шусиз ҳам мазкур йўналишда кўплаб мамлакатлар, жумладан, АҚШ билан ҳамкорлик қилганмиз ва ҳаракатни давом эттирамиз. Биз доимий равишда махсус хизматларнинг ҳамкорлик каналлари орқали, ҳоссатан Америка фуқаролари ва Қўшма Штатлар ҳамда АҚШ чегараларидан ташқарида хавфсизликни таъминлашга ҳиссамизни қўшиш мақсадида, ўз ҳамкасбларимизга Америка махсус бўлинмалари учун зарур бўлган ахборотларни йўналтирганмиз. Бироқ бугунги мувофиқлаштириш даражаси етарли эмас, бир-биримиз билан янада яқинроқ иш олиб боришимиз керак”, - деди Путин.