Тайсон Фьюри Владимир Кличкони ўйинчоқ айиққа қиёслади

Спорт 29 Сентябрь 2015 3522

Супероғир вазн тоифасида ҳалигача мағлубиятга учрамаган британиялик боксчи Тайсон Фьюри украиналик Владимир Кличконинг жароҳат олиб, бўлажак жангнинг кечиктирилишига сабаб бўлганига ўзининг муносабатини кескин равишда билдирди.

"Энди айтиш мумкинки, у билан жангимиз февралгача бўлиб ўтмайди. Ноябрда уни ура олмайман. Энди уни калтаклаш учун февраль келишини кутишга мажбурман. Кейинги матбуот анжуманида индамай ўтиришим керак, йўқса у яна қўрқиб кетиб, муддатни яна кечиктириши мумкин", дея захархандалик билан гапиради Тайсон.

"У ўз соясидан ҳам қўрқадиган йирик рус айиқ ўйинчоққа ўхшайди. Бундайлар ёвуз Тайсондан қўрқишади. Бундайлар мен билан рингга чиққанларида ғалаба қила олмасликларини аниқ билишади", дейди боксчи.

Тайсон Фьюри Кличконинг жароҳатини Дэвид Хэйнинг жароҳатига қиёслаган. 2013 йилнинг охирида Фьюри Хэй билан жанг ўтказиши керак эди. Лекин машғулот чоғида жароҳат олган Хэй кейинчалик 2014 йили фаолиятини якунлашини маълум қилганди.

Эслатиб ўтамиз, профессионал бокснинг супероғир вазн тоифасида 4та йўналиш чемпиони Владимир Кличко (64-3, 53 КО) Австрияда бошланган илк машғулот кунининг ўзида оёғидан жароҳат олганди. Энди украиналик жаҳон чемпионининг британиялик енгилмас Тайсон Фьюри (24-0, 18 КО) билан 24 октябрь куни ўтказилиши керак бўлган жанги номаълум муддатга қолдирилди.

Кличкога яқин манбанинг хабар беришича, Владимир жароҳатини бир ой мобайнида даволайди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 15767 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 11929 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47434 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 21545 Ўзбекистон
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8910 Ўзбекистон
Лавров АҚШнинг россияликларга виза беришни чеклашига изоҳ берди
18:36 442 Жаҳон
Ишига маъсулиятсизлик туфайли ходимлар истеъмолчиларга ёзилган қарзни ўз ҳамёнидан тўлашди
18:30 389 Жамият
ОФК Бош котиби Тошкентга келди
18:20 602 Спорт
Самарқанд вилоятида 6 ҳоким алмашди
Макроннинг рафиқасига ортиқча харажатларсиз биринчи хоним бўлишга рухсат берилди
17:50 1976 Жаҳон
Кўпроқ янгиликлар