Россия ва АҚШ етакчилари “БМТда Сурия инқирози масаласида тўқнашишди”. The Washington Post нашри Владимир Путин ва Барак Обаманинг БМТ Бош Ассамблеяси 70-саммитидаги чиқишини айнан шундай баҳолади.
“Бизнинг халқаро тартибга бўлган садоқатимиз Суриядагичалик ҳали ҳеч қаерда тасдиқланган эмас. Диктатор ўн минглаб фуқароларини шафқатсизларча ўлдираётган пайтда гап битта давлатнинг ички ишлари ҳақида бориши мумкин эмас”, - деди Обама. Бу, нашрнинг фикрича, унинг Россия аргументларига олдиндан тайёрланиб келганидан далолат беради.
Орадан бир соат ўтиб, Путин АҚШни Яқин Шарқда зўравонликни авж олдиришда айблади: “Демократия экспорти деган тушунча бугунги кунга келиб демкоратияга эмас, балки зўравонлик ва ижтимоий фожиага олиб келмоқда”.
The Washington Post нашри “ушбу спарринг икки давлат раҳбарининг учрашуви олдидан” бўлиб ўтганини эслатиб қўйди.