Афғонистон бош вазири толиблар Қундузни босиб олгани туфайли БМТ Бош ассамблеясини шошилинч тарк этмоқда

Жаҳон 30 Сентябрь 2015 3211

Афғонистон бош вазири Абдуллоҳ Абдуллоҳ толиблар Афғонистоннинг Қундуз шаҳрини босиб олгани туфайли БМТ Бош ассамблеясини шошилинч тарк этмоқда, деб хабар берди Афғонистон бош вазирининг расмий вакили Мужиб-ар-Раҳмон Раҳимийнинг баёнотига иқтибос келтирган ҳолда ТАСС ахборот агентлиги.

“Биз бош вазирнинг БМТ Бош ассамблеяси 70-сессиясидаги 1 октябрдаги нутқини 29 сентябрь эрталабга ўтказишга мажбур бўлдик. Бош вазир Барак Обама билан учрашгандан кейин зудлик билан Кобулга учиб кетади”, деб айтди Раҳимий.

Бундан ташқари, Афғонистон президенти Ашраф Ғани Аҳмадзой мамлакат аҳолисига шошилинч нутқ билан мурожаат қилди ва Қундузда тартиб ўрнатишга ваъда берди.

“Толиблар тирик қалқон сифатида тинч аҳолидан фойдаланмоқда. Афғонистон ҳукумати ўз фуқаролари ҳаётига жавоб беради ва уларнинг уйларини бомбардимон қила олмайди. Хавфсизлик кучлари тинч аҳоли орасида қурбонлар бўлишига йўл қўймаслиги керак. Биз шаҳар устидан назорат ўрнатиш учун қўлимиздан келган барча нарсани қилмоқдамиз”, деб айтди Аҳмадзой.

Аввалроқ Афғонистон Қундузнинг толиблар томонидан босиб олинганини тасдиқлаган эди. Қундуз АҚШнинг Афғонистонга ҳарбий кўмак беришни бошлаган 2001 йилдан бери толиблар босиб олган биринчи йирик шаҳар бўлди.

Кўпроқ янгиликлар