Саудия Арабистони ташқи ишлар вазири Одил ал-Жубайр Нью-Йоркда иттифоқчилари билан музокаралардан сўнг Путиннинг таклифини “пахтавон ўқ узиш”га тенглаштирди.
“Россия ҳамда унинг ҳаммаслакларига ҳурматимни изҳор қилган ҳолда шуни айтишим лозимки, Асаднинг Сурияда келажаги йўқ, - деди у.

– Агар Россия дарҳақиқат ИШИДга қарши курашга қизиқаётганида эди, у аллақачон мавжуд халқаро коалицияга қўшилган бўлар эди. Аммо Россия қўшинларининг Сурияда жойлаштирилиши радикалларга қарши курашишга эмас, Асад ҳокимиятини қўллаб-қувватлашга қаратилгандир”.

Ал-Жубайр Суриядаги вазиятни юмшатишнинг икки йўлини тилга олди: сайловларга тайёргарликни амалга оширадиган муваққат кенгаш яратиш ёки ҳарбий чоралар кўриш. Танловни эса, унинг фикрича, Дамашқ амалга оширади.
Вашингтон позицияси эса бироз ўзгарди. У илгаригидай Башар Асаднинг четлаштирилиши тарафдори, аммо бу жараённинг тезкорлик билан эмас, балки босқичма-босқич амалга оширилишига рози бўлмоқда.

АҚШ давлат котиби Жон Керри Асаднинг дарҳол алмаштирилиши Сурия жамиятида “портлаш”ни келтириб чиқариши ва вазиятни янада мураккаблаштириши мумкинлигини айтиб ўтди.