Арманистон президенти Серж Саргсян БМТ Бош Ассамблеяси 70-саммитида ирод қилган нутқида таъкидлашича, Озарбайжон агрессив ҳаракатларини давом эттирган тақдирда Ереван унга қарши сиёсий-ҳарбий чоралар кўришга мажбур бўлади.

“Агар бундай агрессив сиёсат давом этадиган бўлса, бу Арманистон олдида бошқа танлов қолдирмайди. Биз Арманистон Республикаси ва Тоғли Қорабоғ Республикасига тинчлик ва хавфсизликда ривожланишга имкон берадиган зарурий қонуний қадамлар, сиёсий ва ҳарбий қадамларни ташлашга мажбур бўламиз”, - деди у.