"Арсенал" жамоаси бош мураббийи Арсен Венгер ЕЧлнинг 2-турида "Олимпиакос"дан учралган мағлубият бўйича фикрларини билдириб ўтди.

"Албатта, гуруҳдан чиқиш учун ҳаракат қилиб кўрса бўлади, аммо бу иш энди анча қийинлашди. Биз эътиборни сусайтириб юбордик ва энди омад биздан юз ўгирмоқда.

Рақибимиз дарвозага тўрт марта зарба берди ва шулардан учтаси гол билан якунланди.

2:2 бўлиб турган пайтда яна гол ўтказиб юбордик. Агар ҳеч бўлмаса дуранг ҳисоб беш дақиқа сақланиб турганида, биз ғалабага эришардик.

Дарвозабон 2-голда хато қилган бўлиши мумкин. Лекин Оспинанинг ўрнида Чех бўлганида ҳам хато қилиши мумкин эди", - дейди Венгер.