"Порту" жамоаси дарвозабони Икер Касильяс ЕЧЛнинг 2-тури доирасида ўзининг собиқ мураббийи Жозе Моуриньо ишлаётган "Челси" жамоасига қарши ғалабали ўтказилган ўйиндан кейин интервью берди.

"Мен Моуриньо енгилганидан эмас, ўз жамоам ғалабасидан қувондим.
Мен Моуриньога нисбатан кек сақлаб юрганим йўқ. Жентльменлар бир-бирлари билан қўл сиқишиб кўришишлари керак.
Орадан анча вақт ўтди. Кеча биз учрашганимизда ўзимизни жентльменлар каби тутдик. Яхшиси ўтмишдаги воқеаларни унутамиз. Мен ўтмиш билан яшамайман", деди дарвозабон.

Эслатиб ўтамиз, Моуриньо "Реал"ни бошқарган ва Касильяс "Реал" аъзоси бўлган вақтда мураббий ва дарвозабон муносабатлари совуқлашган, натижада Касильяс жамоанинг асосий таркибидан тушуб қолганди.