Террорчиликка қарши кураш нафақат Сурияда, балки Африка ва Ливияда ҳам олиб борилиши лозим, деб айтди Италия бош вазири Маттео Ренци 29 сентябрда БМТ Бош ассамблеясида террорчиликка қарши курашиш масалаларига бағишланган саммитда.

“Бизнинг олдимизда нафақат Ироқ ва Суриядаги, балки Африка, Ливиядаги террорчилик муаммоси ҳам турибди. Бу муаммо айниқса биз, италияликларга тааллуқлидир”, деб айтди Ренци. Ренци Италия “ИШИД”га қарши аксилтеррорчилик операциясида иштирок этиш учун барча имкони бор нарсани қилишига ваъда берди.

“Мен президент Обамага террорчиликка қарши курашда Италиянинг кўмагини таклиф қилмоқчиман”, деб айтди Ренци.

Шу билан бирга Маттео Ренци Италия Сурияда бевосита ҳарбий ҳаракатларда иштирок этмаслигини бир неча марта таъкидлаб ўтган.